Сообраќајот на сите магистрални и регионални патни правци низ државата се одвива без забрани, по влажни коловози. Забраните за движење на тешки товарни возила на планинските превои Стража и Маврово се укинати, но наместа сеуште има остатоци од снег на коловозот.
АМСМ препорачува поголема внимателност на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони кои може да го попречат движењето на возачите.
На делниците низ клисурите и на повеќето мостови долж речните текови има појава на утринска магла и се препорачува прилагодена брзина на движење. Поради ниските утрински температури на повисоките и осојничави места можна е појава на голомразица.
Повнимателно управување со возилата е потребно и на магистралниот пат М-1 делница Катланово – Велес, каде се одвиваат работи за реконструкција на патот за што има поставено соодветна сообраќајна сигнализација.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од Македонија.
АМСМ ги потсетува сите возачи дека од 15 ноември стапи на сила законската обврска за поседување на зимската опрема во возилата, без оглед на моменталната временска состојба. Оваа обврска трае до 15 март следната година.
АМСМ УСЛУГИ – Служба за помош и информации на пат (02) 15 555.