Сообраќајот во државата се одвива во зимски услови по влажни коловози во северозападниот и југозападните делови и по наместа влажни коловози во останатите делови.
Авто мото сојузот на Македонија соопшти дека врнежи од слаб снег во раните утрински часови се бележат во Крива Паланка, Страцин, Попова Шапка, Маврово, планинскиот превој Плетвар, Штип и Делчево.
Надвор од градските средини интензитетот на сообраќајот е умерен, а на граничните премини нема подолги задржувања за влез и за излез од државата.
Утринава се реализирани и сите планирани полетувања и слетувања на скопскиот аеродром „Александар Велики“.