Три лица се потешко повредени во судир на две возила на магистралниот пат Гостивар-Кичево.
Според СВР Тетово, сообраќајната несреќа се случила синоќа околу 23 часот во близина на еден од велзовите во Гостивар. Од сé уште неутврдени причини дошло до директен судир на автомобил “опел-вектра” која ја управувал кичевецот М.М. (63) и “сеат-ибица” управувана од Д.Т. (37) од Гостивар. Двајцата возачи и сопатничката од опелот С.М.(59) се пренесени на скопските клиники.
На местото на незгодата, увид извршила екипа на СВР Тетово и јавен обвинител кои треба да ги расветлат причините кои довеле до судир на двете возила. Материјалната штета се проценува на околу 200 илјади денари.