Едно лице е потешко повредено во сообраќајна несреќа што денеска околу 15 часот и 30 минути се случи на регионалниот пат Тетово – Пирок во близина на селото Долно Палчиште.
Портпаролот на СВР Тетово, Марјан Јосифовски информираше дека во сообраќајката учествувале две возила – мерцедес со тетовски регистарски таблички управуван од А.Ш.(72) од Челопек и мазда со хрватски таблички управувана од А.С.(21).
Во несреќата со тешки телесни повреди, односно повеќе скршеници, се здобил возачот на мерцедесот кој веднаш е пренесен на клиниките во Скопје.
– Со овластвување на истражен судија и јавен обвинител увидот кој се уште трае го врши екипа на СВР Тетово, изјави Јосифовски.
Тој уште еднаш упати апел до возачите да ги почитуваат сообраќајните правила и прописи.