Сојузот на борците на Македонија во четврток, на 21. септември организира собир за прослава на меѓународниот ден на мирот.
– Тргнувајќи од историскиот факт дека народот на Македонија ги претрпе најжестоките ужаси и на светските и на балканските војни, сметам дека оваа манифестација во Скопје и во другите градови на Македонија, треба да добие најширока општонародна и граѓанска подршка со испраќање на нашата животна порака – за траен мир и благосостојба на човештвото. Затоа, Сојузот на борците ги повикува сите граѓани, без оглед на своите политички, национални и верски определби, најмасовно да излезат и се вклучат во одбележувањето, се вели во соопштението на Сојузот на борците.
Тие соопштуваат дека на свеченоста ќе ќе биде прочитана Пораката на генералниот секретар на ООН г-дин Антонио Гутереш, на генералниот директор на УНЕСКО Ирина Бокова и ќе биде испратена национална порака за мир до УНЕСКО и генералниот секретар на ООН.