Македонскиот полициски синдикат изразува длабоко сочувство и тага по повод трагичното губење на животите на шестмина свои колеги, а на повредените припадници на Македонската полиција им пожелува скорешно закрепнување.
Како што соопштија од МПС тие на, како што ги нарекуваат, мрачните сили кои стојат зад овој трагичен чин им порачуваат дека нема да се смират додека и последниот поединец не биде изведен пред лицето на правдата.
Од МПС упатуваат апел до поедини политички структури и медиуми, да не го злоупотребуваат трагичниот настан за дневнополитички цели и да ги остават нив и семејствата на загинатите да се обидат достојно да се носат со длабоката болка и тага која ја чуствувааат.