Пратеникот на ДУИ, Талат Џафери продолжува со одолговлекувањето и институционалното блокирање на законот за бранители.
Тој на седницата на Комисијата за Труд и социјална политика продолжи и денеска со неговата тактика, овојпат со напишани листови кои им ги дели на пратениците и на кои кратко објаснува зашто нема да дозволи да се донесе законот за бранителите.
Талат Џафери појаснува дека носењето на овој закон ќе предизвика меѓуетничка криза и затоа не треба да се донесе.
Џафери повтори дека ДУИ ќе го спречи донесувањето на законот на институционален начин и дека нема потреба од негово носење зашто бранителите добиле закон за нивните права во 2002. година.
