Иванов до Церар: Собранието не ја зема во предвид волјата на народот

Од:

Претседателот Ѓорге Иванов, денеска оствари средба со заменик претседателот на Владата и министер за надворешни работи на Република Словенија, Миро Церар, соопшти Кабинетот на претседателот.

На средбата, двајцата соговорници разговарале за унапредувањето на билатералните односи меѓу двете земји за кои оцениле дека ги карактеризира доверба, пријателство и цврсто партнерство, како и за актуелните случувања и предизвици во регионот.

Во однос на политичките случувања во нашата земја, како што соопшти Кабинетот, македонскиот претседател истакнал дека иако на референдумот народот ја изразил својата суверена волја и недвосмислено не го прифатил Договорот од Преспа, а Собранието тоа не го земало во предвид, при што мнозинството пратеници постапиле спротивно на волјата на народот.

Во однос на македонските евроатлантски интеграции, Иванов изразил надеж дека долгогодишната отворена и безрезервна поддршка од Република Словенија ќе продоложи и во иднина, со цел отварање на пристапните преговори со ЕУ и членство на Република Македонија во НАТО.

Соговорниците, во рамки на средбата, размениле мислења и за предизвиците од илегалната миграција, констатирајќи ја потребата досегашната успешна соработка да продолжи и во иднина со цел поголема регионална стабилност и безбедност.

Би можело да ве интересира

Собранието ќе ги продолжи прекинатите опозициски пратенички прашања

А1он

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова