Собранието на Република Македонија денеска ќе ја продолжи 80-тата седница со расправа по измените и дополнувањата на Законот за Академијата за судии и јавни обвинители, по скратена постапка.
На дневен ред се и дополнувањето на Законот за платите на судиите и измените и дополнувањата на Законот за платите на јавните обвинители, двата по скратена постапка.
Пратениците ќе ги разгледаат и предлог измените и дополнувања на Законот за лековите и медицинските средства, предлог измените и дополнувањата на Законот за здравствената заштита, Предлог законот за дополнување на Законот за енергетика и Предлог законот за изменување и дополнување на Законот за регистрирање на готовински плаќања.