Пратениците во Собранието на Република Македонија во рамките на денешната работа по дневниот ред на 72. седница ќе гласаат за Предлог законот за изменување и дополнување на Законот за инспекциски надзор, во прво читање.
На дневен ред се и првите читања од предлог-законите за основање Државна комисија за одлучување во втор степен во областа на инспекцискиот надзор и прекршочната постапка, за изменување и дополнување на Законот за управување со отпадот, за изменување и дополнување на Законот за научно – истражувачката дејност, Предлог-законот за изменување и дополнување на Законот за странците.
Предвидено е и разгледување на неколку предлог закони по скратена постапка и тоа дополнување на Законот за безбедност и здравје при работа, Предлог на закон за правосудниот испит, измените и дополнувањата на Законот за продажба на земјоделското земјиште во државна сопственост, поднесен од Малиша Станковиќ.
На 72. седница се и дополнетите предлози на Закон за аудио и аудиовизуелни медиумски услуги и на Законот за медиуми, во второ читање.
