Собранието на Република Македонија денеска ќе ја продолжи 39. седница на чиј дневен ред се Предлог-законот за водостопанство и дополнувањето на Законот за земјоделски задруги, двата во прво читање.
Пратениците ќе разгледаат и неколку автентични толкувања на делови од закони, а ќе расправаат и за финансискиот план на Македонската радио телевизија за 2015 година, како и за годишните програми за работа на Агенцијата за регулирање на железничкиот сектор и на Агенцијата за пошти.