Собранието на Република Македонија денеска ќе ја продолжи 45. седница на која треба да расправа за Предлогот на закон за посебните права на припадниците на безбедносните сили и на членовите на нивните семејства, поднесен од пратеници од парламентарното мнозинство.
Пратениците ќе дебатираат и за предлогот на закон за измени на Законот за судовите во второ читање, како и за информацијата за интензивирање на процесот на иселување од Македонија поднесена од опозицијата.
По завршувањето на оваа седница Собранието ќе ја продолжи 47. седница на чиј дневен ред се измените и дополнувањата на изборниот законик, Предлог законот за дополнување на Кривичниот законики Предслог законот за материјално обезбедување на невработените лица поради приватизација на претпријатијата во општествена и државна сопственост. Сите три закона се поднесени од страна на опозицијата.
Според агендата планирано е да се одржи и 52. седница на која би се расправало за Предлог законот за правосуден испит по скратена постапка, поднесен од група пратеници од парламентарното мнозинство.
