Собраниетоги донесе измените на Законот за исплата на платите. И по 4-ти пат се одложува зголемување на платите на административците
Опозицијата обвини дека се трошат огромни средства за реклами и споменици, а не може да се реализира ветеното покачување на платите на јавните службеници.
„ Владата четврти пат го одложува покачувањето на вработените во јавната администрација со образложение дека во услови на економска криза не може да се зголемат платите. До годинава требаше покачувањето да биде 10 проценти како што најавуваше Владата“, рече Маријанчо Николов од СДСМ, кој праша дали ќе нема петто одложување на платите во јавната администрација.
Парламентарното мнозинство потсети дека во услови на економска криза во повеќето европски држави имало отпуштање на работници и намалување на платите, а тоа не се случило во Македонија.
„ Наместо да критикувате ред е да кажете дека откако е оваа влада на власт имаше покачување на платите. Просечната нето плата во Македонија е зголемена за 61 процент, нето платата во 2006 година изнесуваше 12.600 денари, а во 2010 година достигна 20.303 денари“, велат од владеачкото мнозинство.
Платите во јавниот сектор во 2007 и 2008 година беа зголемени 10 отсто, истакна Ѓорѓи Коџобашиев, додавајќи дека Владата ќе продолжи со покачување на платите на граѓаните.