Собрани се над 16 тони отпад од електрични и електронски уреди од околу 200 домаќинства во Скопје и околината во изминатите два месеци во акција на „Екон електрон“ и „Екоцентар 97“.
Просечно со акцијата, од едно домаќинство биле подигнати по 80 килограми уреди.
Организаторите се заблагодаруваат на граѓаните за нивно учество во акцијата и апелираат за подигање на свеста за значењето уредите да бидат соодветно депонирани и подготвени за рециклирање.
Од „Екон електрон“ информираат дека целта на акцијата е заштита на животната средина од опасниот и штетен отпад, а притоа придонес за локалниот економски развој преку ангажирање на ресурси и персонал за собирање и натамошно постапување со опасниот материјал од овие уреди.
