Сообраќајот на државните патишта се одвива по суви коловози, со умерен интензитет на патните правци надвор од градските средини.
На граничните премини, од македонска страна, нема подолги задржувања за влез и за излез од државата.
Од вчера започна градежни активности за обнова на државниот пат Р1202 (Р409), делницата Маврови Анови – Жировница, односно од Маврово Анови до село Трница, поради што има промена на режимот на сообраќај, што ќе трае 90 дена.
АМСМ препорачува прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.