Со ЗНАМ се водат преговори за заеднички настап и поддршка на градоначалници и за советнички листи, тврди Мицкоски

Од:

Претседателот на Владата и лидер на ВМРО-ДПМНЕ Христијан Мицкоски не открива сè уште кој ќе биде кандидат за градоначалник на Скопје, но напомена дека тој ќе биде поддржан од коалицијата што ќе ја предводи неговата партија и дека ќе биде иден градоначалник. Ова го кажа во одговор на новинарско прашање во врска со подготовките за претстојните локални избори.

– Не би споменувал имиња, бидејќи тоа е наша внатрепартиска процедура. Но, имаме неколку имиња кои се предмет на анкети и како што кажав во една изјава, во првата половина на јули ќе биде познат кандидатот и идниот градоначалник на Скопје, кој ќе биде поддржан од ВМРО-ДПМНЕ и коалицијата, рече премиерот Христијан Мицкоски во изјава за медиумите по отворањето на комплексот „Македонско село“ во Скопје.

За соработката со владиниот коалициски партнер политичката партија ЗНАМ, Мицкоски напомена дека се водат преговори за заеднички настап и поддршка на градоначалници и за советнички листи во општини каде ќе има потреба.

– Со политичката партија ЗНАМ преговараме за заеднички настап на локалните избори во смисла на поддршка на градоначалници. За советничките листи, тоа го кажаа и од ЗНАМ дека ќе настапат со сопствени, автентични листи на овие избори. А, во општините онаму каде што ќе се договориме ќе имаме заеднички кандидати, рече Мицкоски во одговорот на прашањето со кого ќе соработува на претстојните избори.

Би можело да ве интересира

Мицкоски со порака до опозицијата: Срам да ви е, да не беше вашата криминална и попустлива политика, немаше да биде ова денес

Мицкоски: Склучивме Меморандум со Казанџи груп за градба на гасни централи во вредност од една милијарда евра

ЗНАМ во Виница: Гласот на граѓаните на прво место

Горан Наумовски

Мицкоски: Нема да дозволам ново предавство и ќе ги бранам македонските национални интереси

(ВИДЕО) Мицкоски: Денес светот виде со какви предизвици и неправди се соочуваме како држава и народ во 21 век

Движење ЗНАМ – За Наша Македонија: Караван „Со срце за нашата општина“ во посета на Битола, Лозово, Бутел, Богданци и Дојран

Горан Наумовски