Граѓанското здружение „Отворена порта“ денеска ги презентираше можните ризици и индикатори од трговијата со луѓе на случајни минувачи на плоштадот во Скопје. Оваа активност како дел од кампањата „Што гледаш?“ успеа да ги информира граѓаните на Скопје дека жртва на трговија со луѓе би можел да биде секој.
– Минатата година во Македонија од 6те лица кои беа идентификувани како жртви на трговија со луѓе 3 се малолетни а 3 возрасни лица. 5 од жртвите се со македонско државјанство а само 1 е со странско државјанство. 5 од нив биле сексуално експлоатирани а 1 била присилена на брак, соопштуваат од здружението.
Кампањата цели да ги охрабри сите кои сакаат да се информираат за трговијата со луѓе и сите кои ќе се соочат со истата да се јават на бесплатната СОС линија: 0800 11 11 1