Со два воздушни дрона и со куче трагач грчките власти денеска ги продолжуваат напорите за лоцирање на 31-годишниот Мартин, третиот исчезнат Македонец од групата од тројца пријатели кои ги однесе моретто во саботата, но двајца, Иван и Васил веќе се пронајдени.
Грчките медими утрово јавуваат дека во потрагата се вклучуваат двата дрона и кучето, а продолжуваат да дејствуваат и пешадиските единици на спасувачите како и бродовите.
Дрон ќе ја пребарува областа кон Аја Параскеви бидејќи е непристапна и не може да се стигне со подводниот дрон.
Капетанијата на пристаништата ги продолжува увидите за лоцирање на 31-годишникот со брод, иако помина третиот 24-часовен рок што го предвидува грчкиот закон. Но по комуникацијата на македонскиот министер за надворешни работи Бујар Османи со грчкиот колега Никос Дендиас, потрагата ќе продолжи и по законскиот рок од 72 часа.
