Поради врнежи од снег и големи остатоци од снег на коловозите, има забрани за движење на тешки товарни возила на повеќе патни правци низ државата: Гостивар – Стража – Кичево, Гостивар – Маврово – Дебар – Струга, Струга – граничен премин Ќафасан, Охрид – Буково – Ресен, Битола – Ѓавато – Ресен, Росоман – Плетвар – Прилеп и Кичево – Македонски Брод – Прилеп.
Според Автомото сојузот на Македонија, сообраќајот на сите магистрални и регионални патни правци низ државата се одвива исклучително отежнато и забавено во зимски услови, пo влажни и лизгави коловози, и со големи остатоци од снег на коловозите. До сите возачи се препорачува исклучително внимателно возење и прилагодување на брзината кон условите на патот.