Снегот блокираше неколку патни правци .Според информациите од АМСМ во прекин за сите возила е сообраќајот на патниот правец Охрид-Кичево кај Пресека.
Многи граѓани, меѓу кои и деца, се заглавени на превојот Пресека, на патот Кичево – Охрид.
Кризниот штаб во Владата бара начини за спасување на граѓаните.
На одделни места во Дебарца има застои поради излизгување на возила.
Снегот предизвика проблеми и во снабдувањето со струја. Во темница останаа Охрид, Дебар и Ресен. Струја во Охрид немаше од 18 часот до пред полноќ.
Снегот кој интензивно паѓа, предизвика пренасочување или откажување на неколку летови на аеродромот „Александар Велики“ во Скопје.
Според информациите објавени на веб страницата на аеродромот, авионите од Цирих, Истанбул, Брисел и Базел што требаше да слетаат во Скопје, се пренасочени во Приштина.
Откажани се летовите од Скопје за Дубаи, Цирих, Истанбул и Лондон.