Двете училишта во Дебар, основното „Пенестија“ (поранешно „Братство единство“) и гимназијата „28 Ноември“ (поранешно „Здравко Чочковски“), добија табли со новите имиња.
Поставувањето на таблите се случило вчера, а на церемонијата присуствувале градоначалникот Аргетим Фида и други претставници од локалната самоуправа, директорите Рамадан Имери и Ќамил Марку, ученици и просветни работници, пренесуваат локалните медиуми.
Гимназијата првото празнување на патронот го одржа денеска во спортската сала што се наоѓа во дворот на училиштето со учество само на ученците од паралелките на албански наставен јазик.
Со едногласно донесената одлука на Советот на општина Дебар и со запазување на бадентеровото гласање двете училишта беа преименувани уште во април годинава. Пенестија е географски поим за Дебар од илирскиот период, додека 28 ноември е Ден на независноста на Албанија и албанското национално знаме.
ОУ „Братство единство“ името го носеше повеќе од шест и пол децении, додека гимназијата името на дебарскиот првоборец Здравко Чочковски, кој на 23 годишна возраст загинал за време на Февруарскиот поход, од формирањето во 1960 година.
Одлука за преименување на училиштата од Министертвото за обазование и наука сеуште нема.