Словенечките медиуми за ратификацијата на Протоколот за НАТО

Од:

Словенечките медиуми детално известуваат за синоќешното ратификување на Протоколот за членство во НАТО. Телевизија Словенија во текст со наслов „Северна Македонија со словенечка помош го ратификуваше протоколот за НАТО” акцент става на присуството на претседателот на словенечкото Собрание Дејан Жидан.

Телевизијата известува дека покрај поддршката, која Словенија и ја дава на Северна Македонија за нејзиното членство во НАТО и почетокот на преговорите со Европската унија, Жидан со властите во Скопје разговарал и за подобрување на и онака добрите економски односи меѓу двете земји.

Како што јави дописникот на МИА од Љубљана, за ратификацијата на протоколот објави и ПОП ТВ. Во извештајот се наведува дека по ратификацијата на Протоколот, единствена пречка за полноправно членство на Северна Македонија во НАТО е Шпанија, која се очекува набрзо да го ратификува протоколот по што целата процедура ќе се затвори. Телевизијата, исто така, објави дека речиси сите пратеници гласаа “За” ратификацијата.

Би можело да ве интересира

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Бајден за потегот што го загрижи Кремљ: НАТО стигна до границите на Русија

Лавров: НАТО им нанесе голема штета на соседните земји

Романија предупредува на влошување на безбедносната состојба во Црното Море, бара поголема поддршка од ЕУ и НАТО

Финска го отфрли наводното руско барање за напуштање на НАТО

Москва не се откажува од барањата од 2021 година: НАТО да се врати на границите од 1997 година