Општина Велес отвори нова слободна интернет зона во паркот на основното училиште „Васил Главинов“.
Портпаролот на општина Велес Мартин Мајсторов информира дека новиот парк е опремен и подготвен за сите љубители на комуникациски технологии, да им овозможи пријатни интернет часови на отворено.
– Целта на општината е паркот да прерасне во пријатно место за одмор и рекреација на сите граѓани, вклучувајќи и пристап до интернетот, потенцира Мајсторов.
Тој информира дека во следниот период ќе продолжат напорите на локалната самоуправа за покривање со слободен безжичен интернет на други локации во општината.