Градоначалникот на општина Велес Славчо Чадиев денеска во Градскиот парк ја промовираше новата слободна интернет зона.
Со оваа нова зона граѓаните на Велес кои престојуваат во градскиот парк, стадионот и спортската сала, ќе можат да користат бесплатни интернет услуги на своите лаптопи, таблети и мобилни телефони.
– Ова е придобивка за граѓаните која слободно ќе можат да ја користат, а зад која финансиски целосно стои општина Велес во соработка со телекомунацискиот оператор Близоо, потенцира градоначалникот, Чадиев.
Со проектот е овозможена 100 процентна покриеност со слободен интернет на сите зелени површини во градот, а телекомуникацискиот оператор Близоо засега е единствениот кој ќе се грижи за одржувањето на бесплатните интернет зони во градот.
За наредната година градоначалникот Чадиев најави проширување на бесплатната слободна интернет зона и во централното градско подрачје.