Град Скопје ги информира граѓаните дека во текот на следната недела ќе се врши четвртата терестрична дезинсекција против комарци на подрачјето на градот.
Прскањето, како што се наведува во соопштението, ќе се врши од 28 август до 2 септември во периодот од 23 до 4 часот наредниот ден. Доколку временските услови не го дозволуваат вршењето на терестричната дезинсекција, истата ќе се изврши првиот нареден ден, кога временските услови ќе бидат поволни.
Од Град Скопје ги известуваат пчеларите навреме да ги преземат потребните мерки за заштита на пчелите.