Слаб снег провејува во Кичево, Пресека и Буково

Од:

Врнежи од снег со слаб интензитет се бележат во Кичево, Пресека и Буково, информираат од Авто-мото сојузот на Македонија (АМСМ).

Од АМСМ соопштуваат дека активни забрани за тешки товарни возила има на неколку патни правци – Гостивар – Маврово – Дебар, Гостивар – Стража – Кичево, Струмица – Берово и Тетово – Попова Шапка.

Од ЈП „Македонија пат“ ги известуваат сите сопственици на возила на патниот правец ски-центар Маврово-Бунец преку Никифорово и Леуново да ги отстранат возилата поради непречено работа на екипите на јавното претпријатие. Посочуваат дека ЈП „Македонија пат“ со целокупната расположива механизација и работна сила е вклучена во расчистување на патишта.

Од АМСМ информираат дека сообраќајот на државните патишта се одвива во зимски услови по влажни коловози со остатоци од кашест снег на коловозот по интервенцијата на нашите дежурни екипи.

Потсетуваат дека од 15.11.2024 година започна законската обврска за задолжително поседување на зимска опрема во возилата, без оглед на моменталната временска состојба, која ќе трае до 15.03.2025 година.

Би можело да ве интересира

Највисока снежна покривка на Попова Шапка

Поради врнежи од снег забрана за тешки товарни возила на патот Дебар – Маврово

Сообраќајот на регионалниот пат Никифорово – Леуново – Бунец e во прекин поради врнежи од снег и паднати дрвја

Горан Наумовски

(ВИДЕО) Србија е под снег: Делови од земјата затрупани, патиштата се блокирани

Горан Наумовски

Денеска студено со дожд, снег на планините и на повисоките места

Горан Наумовски

Поради снежни врнежи, забрана за камиони на патните правци Маврово – Дебар и Гостивар – Кичево преку Стража