Претседателот на Стопанската комора за туризам на Македонија, Лела Крстевска на средба со генералниот секретар на Светската туристичка организација при Обединетите нации, Талеб Рифаи, го потпиша Глобалниот етички Кодекс во туризмот од приватниот сектор.
Од Стопанскатата комора за туризам на Македонија соопштија дека со потпишувањето на Кодексот, Македонија е меѓу 40 земји во светот кој го потпишале овој докумет.
Со овој Кодекс, како што се наведува, приватниот сектор преку Комората се обврзува дека ќе ги почитува и промовира 10 принципи за одржлив и одговорен туризам.