Деветнаесетгодишниот Б.С. од кумановското село Ропалце починал од повредите што го здобил кога врз него паднала статива од гол на фудбалски стадион во Сарај.
МВР соопшти дека момчето со тешка повреда на главата вчера попладне било донесено со приватно возило во Градската општа болница „8-ми Септември“ каде што и починало.
Б.С. околу 14:00 часот додека бил на стадионот во с.Сарај, се фатил со рацете за стативата од голот, по што таа се скршила и паднала врз неговата глава.
Полицијата презема мерки за расчистување на случајот.
