Бошњачка културна заедница во Македонија во недела, 10.07.2016, со почеток во 11 часот, организира скопски Марш за Сребреница со мото “Don’t forget Srebrenica“ (Не заборавај ја Сребреница).
Предвидено е Маршот за Сребреница да тргне од старата скопска чаршија, од самиот центар кај фонтаните и да заврши кај Камениот мост, каде ќе се одржи прес конференција за медиумите и ќе се прочита Декларацијата за Сребреница.
На 04.02.2010 Собранието на Република Македонија ја подржа Резолуцијата на Европскиот парламент за Сребреница, усвоена на 15 јануари 2009 година и се обврза дека соодветно ќе го одбележи 11 јули – Денот за сеќавање на геноцидот во Сребреница со што ќе им се оддаде почит на жртвите од масакрот на што сме благодарни како припадници на бошњачката етничка заедница и државјани на Македонија.
Досега релеватните институции не го одбележале овој датум, а ние сметаме дека тоа треба да го направат што побрзо со што ќе застанат на страна на вистината, на страна на осудување на злосторството и ќе изразат почит кон своите сограѓани Бошњаци, велат од Бошњачката културна заедница во Македонија.