Скопје е втор најзагаден град во Европа, на ранг листата на магазинот „Technologist“.
Најзагаден град во Европа е Сараево со индекс на загаденост на воздухот од 117, а зад Скопје кое има индекс на загаденост 80, сè уште и Софија со (68), Истанбул (59) и Никозија(53).
Во светот на прво место е иранскиот град Аваз.
Светските еколошки организации, научните институции и Светската здравствена организација не престануваат да предупредуваат на големата опасност по здравјето на луѓето од загадувањето на воздухот со ПМ10 честичките на големите урбани населби. Заедно со озонот, овие микрочестички се меѓу најопасните компоненти од загадувањето на воздухот.
Според Светската здравствена организација честичките се одговорни за 1,4 отсто од бројот на умрени лица во целиот свет.
„Колку што се помали, овие честички се поопасни затоа што можат подлабоко да навлезат во бронхите и алвеолите и да преминат во крвотокот“, посочуваат научниците.