„Скопје Сити Мол“ ќе биде отворен наесен

Од:

Наесен се очекува отворањето на современиот трговски центар „Скопје Сити Мол“. Во тек се завршните работи на објектот, кој според сите светски стандарди во градежната индустрија, претставува максимално енергетски ефикасен објект.

Објектот вреден 70 милиони евра ќе биде со површина од 90.000 метри квадратни и ќе располага со повеќе од 40 реномирани брендови кои за првпат ќе бидат застапени на македонскиот пазар.

Со отворањето на „Скопје Сити Мол“ се очекува вработување на околу 2.000 луѓе. Најголем дел закупци на деловен простор, од вкупно 150, како и самиот инвеститор, веќе започнале со објавување на првите огласи за вработување.

Трговскиот центар има и капацитет од 1.300 места за паркинг, како и посебна патека за велосипеди и пешаци.

Мултиплекс-кино, со 9 сали и 3Д-технологија, хипермаркетот „Керфор”, салата за куглање, со комплетен концепт за семејна забава и дружење, модните светски брендови,  како и дополнителните услуги, кои се дел од богатата понуда на „Скопје Сити Мол“, ќе го поместат центарот на друштвените случувања во градот.

Би можело да ве интересира

Земјотрес во Грција, почувствуван и во Македонија

Паднати дрвја, поплави и сообраќајни пречки на неколку локации во Скопје

Горан Наумовски

Скопје го зафати невреме проследено со пороен дожд, силен ветер и интензивна појава на град

Горан Наумовски

Починат маж е пронајден во стан во Скопје, истрагата е во тек

Притвор за турски државјанин кој со капак од шахта тепаше сограѓанин во Скопје

А1он

Обвинителство: Ja убил партнерката пред петгодишно дете, па сакал да избега