Бесплатни обуки по информатика и англиски организира Градот Скопје, заедно со поголем број општини за граѓаните.
Обуките за основни познавања од информатиката и англискиот јазик се наменети за сите жители на Скопје, без оглед на нивната возраст.
Рокот за пријавување за бесплатните обуки е до тринаесетти септември.
За паралелните обуки кои се организирани од неколкуте општини во Градот Скопје, информации за пријавувањето ќе бидат дадени од соодветните општини.
Кандидатите за пријавување треба да понесат фотокопија од лична карта и да остават број на телефон, како и информација за кој курс се заинтересирани кај секретарите на училиштата. На крајот на курсот кандидатите ќе полагаат тест, по што ќе добијат и соодветни сертификати.