Скопјанец подметна пожар во куќа и стан каде што живее неговата сопруга со нивниот син

Од:

Основното јавно обвинителство Скопје поведе постапка против едно лице за кривично дело предизвикување општа опасност.

„Осомничениот, на 2 мај во утринските часови, во викенд – куќа во селото Катланово и во стан во зграда во Скопје, кои се во сопственост на неговата сопруга со која биле разделени и со која водел бракоразводна постапка, со пожар предизвикал значителна опасност за животот на луѓето. Иако бил свесен дека поради неговото сторување може да настапи штетната последица, се согласил со нејзиното настапување и откако еден ден претходно телефонски се заканувал на оштетената и на нивниот син, на критичниот ден со бензин предизвикал пожар најпрво пред влезната врата на викенд-куќата.

Пожарот се проширил и во внатрешноста на куќата, а потоа осомничениот се упатил кон Скопје и на сличен начин предизвикал пожар пред влезната врата на станот.
Откако ги сторил делата, ја известил оштетената дека ги опожарил двата објекти. Таа јавила на соседи во зградата кои почнале веднаш да го гасат и спречиле пожарот да се прошири кон другите станови од зградата. Ценејќи дека околностите под кои е извршено кривичното дело кое му се става на товар на осомничениот се одликуваат со изразита пресметаност и висок степен на кривична одговорност, како и дека постои реална опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор, извести ОЈО.

Би можело да ве интересира

Нетанјаху: Уапсени 18 лица под сомнение дека подметнале пожари во близина на Ерусалим

(ВИДЕО) Нетанјаху прогласи вонредна состојба поради шумските пожари во близина на Ерусалим

Горан Наумовски

(ВИДЕО) Голем пожар во близина на Ерусалим, најмалку седум лица се повредени

(ВИДЕО) Трагедија во Кина: Пожар избувна во ресторан, најмалку 22 мртви

Двајца прилепчани се осомничени дека предизвикале пожар во Демир Хисар

Студентот обвинет за палење автомобили на „Тесла“ се соочува со голема затвор

Горан Наумовски