Вчера во 08.25 часот во Полициската станица Драчево било пријавено дека на улицата „Малешевска“, 67-годишниот К.В. од Скопје испукал два куршуми од пиштол и повредил куче, сопственост на негов сосед, кое било во неговиот двор.
Според пријавеното, претходно К.В. пријавил дека неговиот сосед ги чува кучињата без надзор.
Полициски службеници излегле на местото и од К.В. бил одземен пиштолот, а по целосно документирање на случајот ќе биде поднесен соодветен поднесок, соопштија надлежните.