Без опозиција, но и без кворум во Комисијата за мандатно имунитетни прашања, власта сакаше да го „протне“ новиот Деловник.
Ане Лашковска, Влатко Ѓорчев, Трајчо Димков и Александар Николовски, беа во салата, но и нивните заменици Диме Маџосвски и Васко Пашкоски. Не беше опозицијата, но и Ермира Мехмети и нејзиниот заменик.
Замениците од ВМРО-ДПМНЕ гласаа неместо СДСМ и ДУИ. Тоа за Николовски, претседателот на Комисијата било дозволено, и ќе поминеше без проблем, да не беше Изет Зеќири.
„Ова е скандалозно. Вие без кворум ја отворивте седницата и гласавте за дневниот ред. На седницата се присутни членови на комисија од ВМРО-ДПМНЕ и заменици, исто од ВМРО-ДПМНЕ. Заменик член може да смени член само од своја партија, не може заменик член од ВМРО-ДПМНЕ да менува член од друга партија или од опозицијата како што е случајот овде“, рече Изет Зеќири од партијата на Руфи Османи.
Тој ја оспори комплетно работата на Комисијата.
