Сите денешни дојави за поставени бомби во училишта и објекти во Скопје како и во основнот училиште во Кавадарци се лажни информира Министерството за внатрешни работи.
– Министерството за внатрешни работи ја известува јавноста дека се направени сите потребни проверки во врска со денешните пријави од училишта и други објекти во Скопје и Кавадарци, кои добиле порака на електронската адреса со закана за поставена експлозивна направа, и утврдено е дека станува збор за лажни пријави. Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави се наведува во соопштението од МВР.
Дојави за бомби денеска пристигнаа во девет училишта во Скопје, во ГТЦ, во Џевахир сити, во Ист гејт мол во основно училиште од Кавадарци.