19-годишниот Милан, син на поранешниот пратеник од ВМРО-ДПМНЕ, Крсто Мукоски, загина во сообраќајка откако со своето возило ноќеска околу еден часот излетал од патот кон Вевчани.
– На 13.01.2024 околу 1.20 часот во СВР Охрид е пријавено дека на регионалниот пат кон Вевчани, во близина на село Подгорци, струшко, патничко моторно возило „ауди“ со вевчански регистарски ознаки, управувано од М.М. (19) од Вевчани излетало од коловозот. Во несреќата на местото на настанот починал возачот. Извршен бил увид од Јавен обвинител и увидна екипа од ПС Струга, велат од МВР.