Триесетидвегодишна тетовка вчера пријавила дека на 9 јули околу 22:30 часот во Тетово била нападната и силувана.
Полицијата соопшти дека вчера во 6:00 часот, во Полициска станица Тетово, 32 годишна жителка на градот, пријавила дека на 9 јули околу 22:30 часот, на ул. „Илинденска” во Тетово, пред продавницата за овошје, побарала запалка од вработениот Б.Ф.(31) од с.Мала Речица за да запали цигара. Тој ја повикал да влезе внатре за да ја земе запалката по што ја заклучил влезната врата и со закана со скалпер и нож се упатил кон неа и ја удрил во пределот на главата. Таа паднала на подот и почнала да вика за помош. Потоа сторителот ја фатил за коса и почнал да ја влече по подот, нанесувајќи и повреди со ножот и скалперот по телото, а потоа извршил обљуба врз неа.
На оштетената, како што соопшти полицијата, и е укажана лекарска помош во Клиничка Болница-Тетово, каде се констатирани телесни повреди по телото. Извршен е увид на местото на настанот, а се преземаат мерки за целосно расчистување на случајот.