Портпаролот на СДСМ, Петре Шилегов, на својот Фејсбук-профил изрази сомневање дека навистина се одржала седница на Централниот комитет на ВМРО-ДПМНЕ, откако вчера беше соопштено дека Централниот комитет на ВМРО-ДПМНЕ дава целосна и безрезервна поддршка на претседателот Никола Груевски во справување со предизвиците наметнати од, како што велат, неодговорното однесување на СДСМ.
„Кога СДСМ донесе одлука да започне #ВистинатаЗаМакедонија, беше одржана седница на Централниот Одбор. На таа седница присуствуваа: членовите на Извршниот одбор, Централниот одбор, Пратеничката група, Претседателите на општинските организации. И беа присутни сите, и “заевисти” и “бранковисти” и разноразни “исти”, како што некој сака да не дели. Всушност, беше присутен СДСМ. Многу членови беа пред седиштето, чекајќи ја одлуката. Одлуката, потсетувам, беше донесена со акламација. Тогаш викнавме новинари, сликаа, снимаа, известуваа каква е атмосферата.
Вчера, наводно, била одржана седница на ЦК на ВМРО ДПМНЕ. Освен соопштение, виде некој слики, членство, кој бил, што бил, изјава некоја и слично?“, напиша Шилегов.