Во населбата „Ѓорче Петров“ денеска беа промовирани шеснаесет нови минибуси наменети за превоз на гарѓаните од приградските населби.
Градоначалникот на Скопје, Коце Трајановски рече дека автобусите се донација од Владата и ги замоли граѓаните да ги чуваат новите автобуси, бидејќи само така ќе можат што подолго да ги користат и да се чувствуваат пријатно додека патуваат.
Според министерот за транспорт и врски, Миле Јанакиески, новите минибуси што ќе се користат за превоз на патниците на ЈСП „Скопје” до приградските автобуски линии се чекор напред во реализирањето на проектот за обнова на возниот парк на претпријатието.
Минибусите кои ќе ги користат жителите на приградските населби Матка, Кучково, Никиштани, Орман, Црешево, Усје, село Радишани, Љубин, Горно Оризари се од марката YUTONG, произведени се во 2011 година, должината на возилото е 7,7 метри, широчината е 2,3 метри, а максимална брзина со којашто може да се движи е 85 км на час. Со возилата ќе можат да се превезуваат вкупно 36 патници.
