На Радмила Шекеринска, Оливер Спасовски, Бујар Османи, Кочо Анѓушев, Хазби Лика, четворицата министри и заменици на Зоран Заев, од февруари, платата ќе им биде поголема за 8.027 денари месечно, или за 5 заменици на претседателот на Влада, од парите на граѓаните ќе се одлеат 481.620 денари.
За законот, кој го носи потписот на Радмила Шеќеринска, ќе се дебатира во петок на Комисија а веќе во понеделник е на седница на Собрание.
Владата ова го оправдува со усогласеност со Уставот и е наведено дека коефициентот за утврдување на плата за претседател на Уставниот суд на Република Македонија и потпретседател на Собранието, изнесува 4,00.
Со измените на Законот, коефициентот за утврдување на платата на заменик на претседателот на Владата на Република Македонија ќе се пресметува со коефициент 4,00, наместо 3,70 како досега.
Оваа информација, кога се навести дека ќе има ваква законска измена, предизвика лавина реакции во јавноста, иако Владата се обидуваше невешто ова да го сокрие. Особено се споменуваше дека Хазби Лика вицепремиерот за спроведување на рамковниот договор, кој и не доаѓаше на работа, но платата редовно си ја земаше.