Претседателот на Националниот совет за евроинтеграции, Радмила Шекеринска, денеска се сретна со Ерки Туомиоја, министер за надворешни работи на Финска.
Шекеринска, соопшти собраниската прес-служба, се заблагодари за поддршката која Финска и ја дава на Република Македонија во процесот на интеграција во Европската унија и позитивниот став кој државата го има кон процесот на проширување на Унијата, за што таа напомена дека е од исклучително значење за регионов, особено за Република Македонија.
На средбата Туомиоја изрази интерес за состојбата во медиумите, граѓанскиот сектор, како и за работата и функционирањето на Националниот совет за евроинтеграции.