Делегација на СДСМ предводена од заменик претседателот Радмила Шекеринска денеска оствари средба со амбасадорите на земјите членки во ОБСЕ.
На средбата, како што соопшти СДСМ, се разговарало за моменталната политичка состојба, предизвиците со кои се соочува Македонија, евроинтегративните процеси и други актуелни прашања од земјата и регионот.
– Беше истакната лошата состојба со слободата на медиумите, владеењето на правото и потребата од целосна изборна реформа, согласно препораките на ОБСЕ/ОДИХР.
– На средбата беше посочена исклучителната важност на меѓуетничките односи и ЕУ интеграциите на Македонија, стои во соопштението на СДСМ.