Потпретсдателот на СДСМ Радмила Шекеринска на прес-конференција по посетата на Гостивар од иметото на опозицијата побара условно ослободување на новинарот Томислав Кежаровски.
Шекеринска спроведувањето на Кежаровски го оцени како доказ, како што рече, дека судството е политизирано и во функција на власта.
– Томислав Кежаровски треба веднаш да биде пуштен на слобода. За тоа постојат правни можности. Затоа го повикуваме кривичниот совет на Основниот суд Скопје 1, вонредно да се состане. Исто, како што и вчера вонредно работеа и да донесе одлука за условен отпуст и денеска или утре да биде пуштен на слобода, изјави Шекеринска.
Таа порача дека СДСМ и опозицијата ќе ги употребат сите институционални и вонинституционални механизми за ослободување на Кежаровски.