Министерот за надворешни работи на Република Македонија Никола Попоски, денеска ќе се сретне со потпретседателот на Владата и министер за надвореши работи на Република Словенија, Карл Ерјавец.
Се очекува двајцата министри да разговараат за унапредување на билатералните односи, како и за искористување на капацитетите и можностите за проширување на соработката во сите области од заеднички интерес, особено во сферата на економијата, европското и евроатлантското интегрирање на Република Македонија и регионалните иницијативи.
Министерот за надворешни работи на Република Словенија, Карл Ерјавец, ќе биде примен и од претседателот на Собранието на Република Македонија, Трајко Вељаноски и од премиерот Никола Груевски.