Четириесет и едногодишна прилепчанка синоќа во Полициската станица-Прилеп пријавила дека дента околу 17 часот во семејниот дом нејзиниот син почнал вербална расправија и физички ја нападнал.
Како што соопшти денеска МВР, жената пријавила дека синот ја удирал со раце и нозе по телото и оти и нанел повреди.
Во обид да ги смири мајката и синот, се вмешала и бабата, но и таа била физички нападната. Внукот и нанел тешки телесни повреди (фрактура на десна подлактица).
Се преземаат мерки за расчистување на случајот.
