Села ја напушти градоначалничката функција, негов наследник е Мустафа Забзун

Од:

Градоначалникот на општина Струга Зијадин Села денеска поднесе оставка од функцијата, а за негов наследник го назначи Мустафа Забзун.

Градоначалничката функција, Села ќе ја замени со пратенички мандат кој му беше даден од граѓаните на предвремените Парламентарни избори што се одржаа на 11 декември.

На денешната седница на Совет, тој им се заблагодари на советниците за соработката и им ја соопшти одлуката за тоа кој ќе биде негов наследник.

– Од денес ќе имате нов градоначалник на Струга, кој според Законот ќе ме заменува мене, бидејќи јас ќе бидам пратеник. Дозволете ми да ви се заблагодарам на сите за соработката. Секогаш има подобро, сме можеле и подобро да направиме. Сме дебатирале на различни теми сме презентирале различни идеи, но сме немале моменти со лоши ситуации кои Советот може да го стават во незгодна позиција. Политичките интереси сме ги оставале и сме гласале за одлуки во интерес на граѓаните, рече Села.

Новиот градоначалник на Струга и досегашен советник од партијата на Села, Мустафа Забзун се заблагодари за укажаната доверба и вети дека ќе се потруди да биде успешен во интерес на граѓаните.

На градоначалничката функција Села дојде во 2013 година како кандидат на ДПА, но подоцна се отцепи од партијата и формираше нова политичка партија, Движење за реформи на ДПА.

Би можело да ве интересира

Сопартијците не ја прифатија оставката на Зијадин Села

А1он

Села и Гаши до ДУИ: Или Зибери премиер или одете си во опозиција

Габриела Димковиќ-Мишевска

(ВИДЕО) Села и Гаши: Го вративме Арачиново, убедливо водиме и во шестата изборна единица

Искра Манојлоска

Села до Заев и Мицкоски: Ако направите македонска влада, ние ќе направиме албанска

А1он

Села: Нема да има отпуштање на административците, ќе ги поставиме на соодветни работни места

А1он

Села и Гаши: Ставовите на македонските партии беа далечни, датум за избори да се одреди со консензус

Кристијан Ландов