Владата ќе ја заострува регулативата за работата на клубовите за игри на среќа. Промените во Законот за игри на среќа се подготвени и ќе бидат ставени на јавен увид на страницата ЕНЕР од почетокот на следанта недела.
Ова го најави министерот за финансии Драган Тевдовски денеска одговорајќи на пратенички прашања кој рече дека подготвените промени се во насока на заострување на регулитавите со цел да се стави ред во оваа област.
– Во моментов организирање на игрите на среќи во автомат клубови се дава една лиценца и по основ на таа лиценца може да се отворат во различни објекти автомат клубови. Со промените се предлага промена за секој објект да се добива нова лиценца. Сега ќе има многу посериозно заострување на критериуми, рече министерот.