Во изминатите 24 часа на подрачјето на Град Скопје се случиле 10 сообраќајни незгоди од кои пет се со последица телесна повреда. Со полесни повреди се здобиле тројца возачи, двајца сопатници и двајца пешаци.
Пет од сообраќајните незгоди, како што информира полицијата, се со последица материјална штета.
Од страна на сообраќајната полиција во текот на вчерашниот ден санкционирани се 35 возачи кои возеле без сообраќајна дозвола, пет возачи не ги почитувале светлосно сообраќајните знаци на крстосница, тројца возеле под дејство на алкохол, како и осум возачи кои користеле мобилниот телефон.
Со помош на специјалното возило „пајак“ вчера отстранети се 72 возила кои го попречувале нормалното одвивање на сообраќајот.
Денеска, Отсекот за превенција при Единицата за безбедност во патниот сообраќај при СВР Скопје ќе одржи едукативни предавања со учениците од четврто одделение во ОУ „Владо Тасевски“ во општина Карпош.
За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.