Во Парламентот денеска седници ќе одржат Законодавно правната комисија и Комисијата за европски прашања.
На дневен ред на Комисијата за европски прашања се Предлог – законот за тутун, производи од тутун и сродни производи, Предлог-законот за услуги, Предлог – законот за акцизите, како и Предлог-законот за слободен пристап до информации од јавен карактер, сите во читање.
Овие точки се на дневен ред и на седницата на Законодавно-правната комисија. Членовите на оваа Комисија ќе ги разгледаат и измените и дополнувањата на Законот за судовите, Предлог – закон за прекршоците, Предлог-закон за управни спорови, сите во второ читање, како и Предлог – одлуката за испраќање на припадници на АРМ за учество во мировната операција „Одлучна поддршка“ во Исламската Република Авганистан.